Skóro buźo wuglowa jama wjas Strowje póžeraś, ale hyšći jo tam žywjenje. Slědne wejsanarje pśigótuju se na pśeśěgnjenje do města abo drugeje jsy, mjazy nimi młodostnej Pětš a Karina. Dłujko se južo znajotej, ale rowno něnto stej sebje namakałej. Wósym dnjow zwóstanu jima a slědnym wejsanarjam až k rozžognowanjeju ...

"Tema knigłow jo ale weto zajimny a wažny źěl serbskich stawiznow. Z teju temu - rozejźenje sedlišća-, kótarež ma kśute městno w dialogach, jo atmosfera knigłow wjelgin pótužna. Z tym njejsu knigły luštna lektura." Šarlota Kušcyc