W srjedźišću noweje zběrki Měrki Mětoweje steji swójba – jeje wliw a ćišć za jednotliwca. Tematisce nawjazuja tute powědančka na jeje dotalne dźěła – wobkedźbowanja wšědneho dnja, skurilne, tragiske, dušace. Rjekojo, husto njerjekojo, spytaja so w jednotliwych situacijach z tutoho swěta mjezow wudobyć, pak za wokomik, pak na přeco. Jednomu so to njewočakowano poradźi, tamny zwrěšći.