Po šěsć serbskich a třoch němskich basniskich zběrkach je Dyrlichowa lubosćinska lyrika tu prěni króć paralelnje w serbskej a němskej wersiji wušła. Štwórćina basnjow je nowa. Wirtuoznje a z akrobatiskej wěstosću pohibuje so basnik w rěčnymaj swětomaj a hraje sej dwuzmyslnje ze wšěmi fasetami lubosće. Rady překroča hranicy, prowokuje, jónu rozwólnje a lóštnje, potom zaso elegisce a połny ironije.