Naše nowostki

  • Bjez čriji

    Bjez čriji

    Ivona Březinová
    14,90 €
    inkl. 7% wobr. dawka, k tomu kóšty dodawanja

    Benjamin, kotrehož wšitcy Ben mjenuja, je do Danki zalubowany. Rady by z njej chodźić chcył ... by-li scyła chodźić móhł. Ćežke njezbožo ze sněhakami je wšě jeho plany přewróćiło. W chorowni wuknje poněčim ze sćěhami toho žiwy być. Čehodla pak jemu Danka z puća chodźi? A hač budźe Ben hdy zaso sportować móc?

    Za čitarjow wot 13 lět

  • Lute překwapjenki  •  Lauter Überraschungen

    Lute překwapjenki • Lauter Überraschungen

    9,90 €
    inkl. 7% wobr. dawka, k tomu kóšty dodawanja

    Dyrdomdeje w dolinje při rěce du dale! Tutón raz maja naši přećeljo wšelake zetkanja a překwapjenki před sobu. Što pyta operowy zajac při rěce? Namaka Ferdi zaso puć domoj? A štó woła tam tak wótře wo pomoc? Pójće prosće sobu a dajće nas zhromadnje pohladać, što myšce Měrka a Kiki, zajac ferdi, šwinc Dorian a sowa Luna wšo dožiwja. A wězo čakaja tež zaso nowe hódančka na was.

    Za čitarjow wot 4 lět

  • Deutsch-obersorbisches Wörterbuch/Němsko-hornjoserbski słownik

    Deutsch-obersorbisches Wörterbuch/Němsko-hornjoserbski słownik

    Jenč, Helmut, Michałk, Frido, Šěrakowa, Irena
    39,00 €
    inkl. 7% wobr. dawka, k tomu kóšty dodawanja

    Dwuzwjazkowy „Němsko-hornjoserbski słownik“ z wobjimom 80.000 hesłow je prěnja wobšěrna přiručka k hornjoserbskemu słowoskładej přitomnosće, kiž so na němčinu złožuje. Słownik njeje jenož standardne dźěło k wužiwanju spisowneje rěče, ale tež njeparujomny zakład za sorabistiske leksikaliske přepytowanja a za přirunowace slawistiske slědźenja.

  • Łužica – Łužyca – Lausitz 2022

    Łužica – Łužyca – Lausitz 2022

    15,00 €
    inkl. 19% wobr. dawka, k tomu kóšty dodawanja

    Wot wudaća za lěto 2022 spožča znaty serbski fotograf Maćij Bulank ze swojimi fascinowacymi wobrazami trojorěčnemu kalendrej wosebity raz. Bulank je jako fotograf jara wuspěšny, hakle loni je wobrazowy zwjazk „Jutry doma. Osterreiten“ wozjewił. Do toho bě z knihomaj „Prjedy hač woteńdźeš. Bevor du gehst“ wo Serbowkach, kiž hišće wšědnje swoju drastu noša, a „Pola katolskich Serbow“ wjele připóznaća žnjał. W swojej nasćěnowej protyce nětk prezentuje přewažnje krajinowe wobrazy wo Hornjej, Delnjej a srjedźnej Łužicy. Na někotrych łopjenach so tež ta abo tama krasna cyrkej jewi, kotrychž je we Łužicy mnoho, wšako stej Serbstwo a křesćanska wěra kruće ze sobu zwjazanej. Tež brilantne detailowe wobrazy z cyrkwjow debja protyku.

    Protyka ma nowy format.

  • CD Rjana Łužica – Rědna Łužyca – Lausitz, schönes Land

    CD Rjana Łužica – Rědna Łužyca – Lausitz, schönes Land

    Handrij Zejler, Korla Awgust Kocor
    6,90 €
    inkl. 19% wobr. dawka, k tomu kóšty dodawanja

    Na zynkonošaku předstaja so serbska hymna w hornjoserbskej, delnjoserbskej a němskej wersiji. Nahrawało je so nowe wobdźěłanje Oksany Weingardt za mały komorny orchester ze studentami Drježdźanskeje Wysokeje šule za hudźbu “Carl Maria von Weber” a dalšimi hudźbnikami. Jako spěwarja-solista słyšiće Geralda Schöna. CD pak nima serbsku hymnu jenož dokumentować, ale tohorunja do spěwanja pohnuwać; tuž namaka zajimc na njej tež instrumentalnu wariantu.

K ptačemu kwasej

 

Aktualne informacije

Načasna story „Bjez čriji“  za młodostnych w LND wušła
Načasna story „Bjez čriji“ za młodostnych w LND wušła

Kotra kniha drje so lěpje do zymskeho časa hodźi, hač roman za młodostnych, kotrehož wuchadźišćo je sněhakowanje? W LND je nětko kniha za čitarjow wot 13 lět z titulom „Bjez čriji“ renoměrowaneje čěskeje spisowaćelki Ivony Březinoveje wušła. Takle prawje něšto za napjate čitanske hodźiny w zymskich prózdninach! Wo čim jedna roman?

dalše informacije»
„Němsko-hornjoserbski słownik“ zaso na předań
„Němsko-hornjoserbski słownik“ zaso na předań

Dwuzwjazkowy „Němsko-hornjoserbski słownik“ z wobjimom 80.000 hesłow je prěnja wobšěrna přiručka k hornjoserbskemu słowoskładej přitomnosće, kiž so na němčinu złožuje. Dawno wupředatej zwjazkaj 1 A–K a 2 L–Z so wotnětka w dalšim nakładźe předawatej.

dalše informacije»
Wobchad a wobchadne prawidła w nowej knize za dźěći
Wobchad a wobchadne prawidła w nowej knize za dźěći

Za předšulsku a prěnju čitansku starobu je w LND nowa papjercowa kniha „W nadróžnym wobchadźe“ wušła. Što so na dróze stawa? Kotre wobchadne prawidła mamy? Štó rjaduje scyła wobchad? A kak so prawje zadźeržimy? Tute a dalše prašenja móža sej dźěći ze swojimi staršimi wotkryć.

dalše informacije»
Literarne wubědźowanje 2021 Ludoweho nakładnistwa Domowina a Załožby za serbski lud
Literarne wubědźowanje 2021 Ludoweho nakładnistwa Domowina a Załožby za serbski lud

Jury je myta za najlěpše přinoški postajiła. 20 awtorow a awtorkow je cyłkownje 35 přinoškow zapodało, 32 hornjoserbskich a 3 delnjoserbske. Koronapandemije dla so tónraz mytowanske zarjadowanje njepřewjedźe. Pod „dalše informacije“ namakaće přehlad mytowanych a krótke hódnoćenje k jednotliwym kategorijam wubědźowanja.

dalše informacije»
Powědki, miniatury a eseje Měrany Cušcyneje wušli
Powědki, miniatury a eseje Měrany Cušcyneje wušli

W LND je prěnja prozowa zběrka Měrany Cušcyneje z titulom „Stop a stup“ wušła. Kniha wobsahuje nowe a někotre hižo wozjewjene powědki, miniatury a eseje. Awtorka wjedźe čitarja do nimale pozabyteje krajiny pod Čornobohom a do wjelewěžateho Budyšina, rozmysluje wo dźiwnosćach serbskeje rěče a hódnoći dźěło basnikow a wuměłčow.

dalše informacije»