Wot lěta 1958 stara so Ludowe nakładnistwo Domowina jako narodne nakładnistwo Serbow wo wšo serbske pismowstwo a pokročuje z tym wjace hač 450-lětnu tradiciju. Knihi, nowiny a časopisy wuchadźeja hornjoserbsce, delnjoserbsce a němsce. Nakładnistwo je zamołwite za wuwiwanje, wudawanje a rozšěrjenje publikacijow, kiž so na Serbow, jich identitu, rěč, kulturu a wědomostne slědźenja poćahuja.  Wone wudawa beletristiske twórby načasnych serbskich spisowaćelow kaž Jurja Brězana, Kita Lorenca a Róže Domašcyneje. Prawidłownje nakładuja so dźěła klasikarjow Handrija Zejlerja, Jakuba Barta-Ćišinskeho, Mata Kosyka a Miny Witkojc. Němskej zjawnosći spřistupnja so serbska literatura přez rjad „Die sorbische Bibliothek“. Wuslědki wědomostnych slědźenjow na polu serbskeje rěče, literatury, stawiznow a ludowědy wuchadźeja w „Spisach Serbskeho instituta“. Wažne ćežišćo editoriskeho dźěła nakładnistwa tworitej, hladajo na zdźerženje a rewitalizaciju serbskeje rěče, dźěćaca a młodźinska literatura. Nimo nowych dźěćacych knihow poskićuja so čitarjam prawidłownje tež licencne wudaća swětoweje literatury a zhromadne wudaća LND z druhimi nakładnistwami. W kooperaciji z Rěčnym centrumom WITAJ wudawaja so wučbnicy, wučbne materialije a dźěćacej časopisaj Płomjo a Płomje. Do šěrokeho editoriskeho programa słušeja hornjoserbski wječornik Serbske Nowiny a delnjoserbski tydźenik Nowy Casnik kaž tež časopisaj Rozhlad a Lětopis. Přiběrajcy zaběra so nakładnistwo z nowymi medijemi a produkuje słuchoknihi, digitalne knihi a digitalne nowiny.

Nakładnistwu přirjadowana Smolerjec kniharnja w Budyšinje je jeničke městno w Němskej, hdźež so čitarjej wšitke serbske a němske knihi wo Serbach poskićuja, k tomu antikwariske wudaća, zynkonošaki a filmy. Prawidłownje přewjedu so awtorske čitanja a knižne premjery. W meji 2000 załoži so towarstwo „Přećelow Smolerjec kniharnje“, kiž podpěruje zaměry kniharnje.

Jednaćelstwo

Syman Pětr Cyž, jednaćel

e-mail: geschaeftsfuehrung@domowina-verlag.de

tel.: 0 35 91/ 57 72 42

Lektorat za powšitkownu a wědomostnu literaturu

Janka Pěčkec de Lévano, nawjedowaca lektorka

e-mail: lektorat@domowina-verlag.de

tel.: 0 35 91 / 57 72 54

Rozšěrjenje

Patricija Róblowa, wjednica rozšěrjenja

e-mail: vertrieb@domowina-verlag.de

tel.: 0 35 91 / 57 72 73

Marketing

Patricija Róblowa, zamołwita za marketing

e-mail: vertrieb@domowina-verlag.de

tel.: 0 35 91 / 57 72 73