Ludowe nakładnistwo Domowina

Naše nowostki

• 

  Swět wokoło nas • za słuchopisak BOOKii

  Heelemanowa, Daniela/Lenz, Gudrun

  24,90 €

  inkl. 7% wobr. dawka, k tomu kóšty dodawanja

  Z dźěćimi Tadejom, Leńku a Benom podadźa so młodźi čitarjo na bohaće ilustrowanych stronach na pućowanje po swojim swěće. Temy su wusko na žiwjenski wobswět dźěći wusměrjene. Nimo zwučeneho wužiwanja jako wobrazowy słownik hodźi so kniha ze słuchopisakom  BOOKii wužiwać. Dótknje-li so dźěćo z nim wobraza, zaklinči prawe pomjenowanje ilustrowaneho słowa a přidatna sada. We wulkich wobrazach nadeńdźe na wubranych městnach přidatnje małe dialogi, zwuki a spěwy.

  In „Swět wokoło nas“ –„Die Welt um uns herum – finden Kinder weit über 1000 sorbische Begriffe aus knapp 50 Themengebieten. Das bunte Wörterbuch lässt sich mit dem Hörstift BOOKii nutzen. Dieser spielt beim Antippen der entsprechenden Begriffe einzelne Wörter und zusätzliche Beispielsätze ab. So ist auch die richtige Aussprache in Zukunft kein Problem mehr! Viel Spaß haben Kinder sicherlich auch beim Finden kurzer Hörszenen, welche sich in den Wimmelbildern verstecken. Und zuletzt kommen auch die kleinsten Leser auf Ihre Kosten, wenn Tierstimmen und 17 Kinderlieder dank BOOKii hörbar werden. Ein Hör- und Lesespaß für die ganze (zweisprachige) Familie!

  Sluchopisak BOOKii skazać/Den Hörstift bestellen

  Nawod, jeli BOOKii-słuchopisak raz nochce abo njefunguje:

  Jeli BOOKii-pisak snano raz tak njecha a ničo so njewothrała, je aktualizowanje trěbne.Přez sćěhowacy link, dóńdźeće na internetowu stronu: https://www.bookii.de/support/update/. Pod „support“ a dale pod „update“ je wotpowědny „software installer“ składowany, kotryž aktualne wersije na pisaku zarjaduje. BOOKii-pisak při kompjuteru přizamknyć a potom wšitko tak wuwjesć kaž so praji. Po tym dadźa so nowe knihi z lochkosću instalować.

  detaile
• 

  Wotkryj sej swětnišćo! • za słuchopisak BOOKii

  Braun, Christina; Kaiser, Claudia

  16,95 €

  inkl. 7% wobr. dawka, k tomu kóšty dodawanja

  Swětnišćo – njeskónčne dalokosće a šěrokosće, njeznate zwuki a zaćišće. Što je słóncowy system? Čehodla je naša zemja jónkróćna? Kak přebywaja astronawća w swětnišću? Što su planety a hwězdna? Je na Marsu žiwjenje? Podajće so z BOOKii-pisakom na ekspediciju a słuchajće, kak na přikład swětnišćo klinči abo kak raketa startuje. Pohladajće pod woknješka a wotkryjće sej zajimawostki. A znowa wuwabjeja hry a eksperimenty waše wušiknosće.

  detaile
• 

  Składnostne hrónčka

  14,90 €

  inkl. 7% wobr. dawka, k tomu kóšty dodawanja

  Narod dźěsća, šulski zastup, dźeń maćerje, kulowate narodniny, kwas a mandźelske jubileje abo žarowanje – w žiwjenju mamy wjele składnosćow, ke kotrymž trjebamy serbsku baseń abo hrónčko. Silwija Wjeńcyna, sama pilna awtorka tajkich, je něhdźe 170 pozbudźowacych, lóštnych, dźaknych a tróštowacych hrónčkow a basnjow za wšě tute składnosće zezběrała. Woblubowanym bjezčasnym twórbam Michała Nawki, kiž buchu swój čas hižo w knize “Łónčko hrónčkow” wozjewjene, so nowše a nowe přidruža, mjez druhim z pjera Marje Brězanoweje, Bena Budarja, Hańže Winarjec, Moniki Kochoweje, Sabiny Žuroweje a zestajerki sameje.

  detaile
• 

  Historisch-etymologisches Wörterbuch der sorbischen Sprachen

  Šewc, Hinc

  60,00 €

  inkl. 7% wobr. dawka, k tomu kóšty dodawanja

  Tuta njeparujomna přiručka k serbskim rěčnym stawiznam wopisuje wobšěrnje hornjo- a delnjoserbski spisownorěčny a dialektalny słowoskład hladajo na pochad słowow a jich woznam.

  detaile
• 

  Prěni raz • Powědki wo lubosći a druhich šmjatach

  16,90 €

  inkl. 7% wobr. dawka, k tomu kóšty dodawanja

  Marek ma prěni raz před wočimi swojich sobušulerjow a šikwaneje Matildy ze skakanskeje wěže skočić. Hana je měsac wot wučby wuzamknjena, dokelž je sobušulerjej nós złamała. Je wopušćeny dom na kromje města woprawdźe prawy blak za prěni rendezvous Jěwy a Feliksa? – Dźesać awtorow, dźesać stawiznow, ale wjele wjac dožiwjenjow a dóńtow. Hdyž sej młodźi ludźo potajnstwa žiwjenja wotkrywaja, je to z mnoho „prěnimi razami“, z někotrejžkuli překwapjenku, ale tež z njewěstosću a přesłapjenjom zwjazane.

  »Antologija ‚Prěni raz‛ słuša k najzajimawšim a bjezdwěla k najbóle wotměnjawym publikacijam, kotrež je LND w lěće 2023 wudało.«

  »LND doporuča antologiju čitarkam a čitarjam w starobje wot dwanaće lět, a tale cilowa skupina so zawěsće we wjetšinje přinoškow sama spóznawa. Tola tež wyšim semestram měli so powědančka spodobać ‒ ćim bóle, hdyž sej dalše ‚dorosćeniše׳ woršty a meta-runiny wotkrywaja, kajkež su za dobru tak mjenowanu młodźinsku literaturu charakteristiske.« Bosćan Nawka w SN 

  Awtorki a awtorojo: Pětr Dźisławk, Lubina Hajduk-Veljkovićowa, Dušan Hajduk-Veljković, Andreja Chěžcyna, Měrka Mětowa, Sylwija Šěnowa, Diana Šołćina, Pětr Šołta, Měrćin Wjenk, Annamaria Zahonowa

  tež jako e-book

  detaile