Składnostnje 75. róčnicy wobstaća Koła serbskich tworjacych wuměłcow zaběraja so awtorojo ze stawiznami tutoho zjednoćenstwa. We wšěch tutych lětach buchu njeličomne wustajeńcy organizowane, mnohe twórby z trajnej hódnotu běchu nastali. Wobšěrny přehlad skića za publikaciju zestajany wobrazowy dźěl 74 twórbow; słowny dźěl wudospołnjeja historiske fota kaž tež rysowanki a skicy. Podawaja so krótka biografija kóždeho čłona kruha wot časa jeho załoženja kaž tež wšitke wustajeńcy, seminary a studijne jězby.