Nahrawanja nastachu w Němsko-Serbskim ludowym dźiwadle Budyšin, 2005.

Hłosy wo předstajenjach „Hodowneje stawizny" na serbskich jewišćach

„Wjace hać 30 figurow, kotrež mizantropa domapytaja, rysowaše Mirko Brankačk z wysokej rěčnej kulturu. Wón dyrbješe róle a perspektiwy stajnje měnjeć, za čož jemu kófer insignije dodawaše. Samotny akter sćělesni tež powědarja tuteje stawizny ,w prozy, tak zo sćěhowachu rozprawjace a dramatiske wotrězki njeposrědnje na so. We wšitkich scenach demonstrowaše předstajer wurazliwu mimiku a gestiku, wón znazornješe mnohe dušine stawy; skrótka: swoje rjemjesło wuběrnje wobknježeše. ... Hrajerjej so poradźi wuprudźeć wjeselo, zrudobu, horliwosć abo měr na tajke wašnje, zo skutkowaše to hnujace a wěryhódne.
Po hodźinomaj dari přihladowarstwo sylny přiklesk, kiž płaćeše drje w prěnim rjedźe pilnemu dźiwadźelnikej. A hakle potom jendźelskej story, kotraž nam hodowne poselstwo kóžde lěto zaso přewodźuje." (Rozhlad 2/2004)

„Mirko Brankaćk hraješe z přeswědčacej mimiku a wulkotnym hłosom. Bě zdźěla tajke napjeće, zo samo přez najmjeńše žortne přispomnjenja dźiwadźelnika w publikumje wulke smjeće wudyri." (Serbske Nowiny, 24.12. 2003)

1. Stary Scroogea
2. W składźišću Scroogea
3. Wopyt sotrowca
4. Miłe dary
5. Mła a zyma
6. Marleyowy duch
7. Ćežke rjećazy
8. Prěni duch
9. Wróćo do dźěćatstwa
10. Fezziwigec składźišćo
11. Młodosć a lubosć
12. Druhi duch
13. Cratchitec swójba
14. Hodowny spěw při kaminje
15. Sotrowc Scroogea
16. Posledni duch
17. Jimowy čaporowy wobchod
18. Kěrchow, šćury a wróny
19. K dobremu kóncej
20. Patoržica
21. Nowy Scrooge