Lětsa je tomu wosomdźesat lět, zo je roman Jakuba Lorenca-Zalěskeho "Kupa zabytych" prěni raz wušoł. Mjeztym předleži hižo w štwórtym serbskim wudaću a nimo toho w němskim přełožku w rjedźe Serbska biblioteka. To bjezdwěla na to pokaza, zo je zajim za "najspodźiwnišu knihu, kotraž je hdy w serbskej rěči wušła", kaž ju Ota Wićaz jónu mjenowaše, trajny.

Što pak tónle zajim zbudźi? Je to snadź magija woneje "spodźiwneje mocy", kotraž awtora po jeho słowach často dosć do dźěła honješe a kotrejež so dowobarać njezamó? Tajenka to, kotraž drje so nihdy njewukopa.

Za dalše wudaće romana, nětko jako słuchokniha, je serbski dźiwadźelnik a wnuk Zalěskeho Michał Lorenc naročny tekst čitał, je Jakubej Zalěskemu, jeho rjekej, a smjertnicy a wšěm tym druhim, kotrychž "pytaca duša" na swojim pućowanju zetka, hłós dał. A tute hłosy słyšeć je kaž meditacija.

Słuchanska proba

CD 1 | 76 min.
Moto (00:19)
Poslednja hodźina (09:04)
Juchhej. žiwjenje! (03:28)
Kupa zabytych (08:16)
Zastup do kraja bjez sćina (02:34)
Słódke wodychnjenčko (03:51)
Moja přewodžerka (09:11)
Prašenje a wotmołwa (07:16)
Pola kužoła zabytych (18:07)
Elegija (04:11)
Quo vadisz (04:11)
Kniha zabytych (05:26)

CD 2 | 78 min.
Wšelake puće (04:43)
We hłubinach směrkanja (09:28)
Njezanur so! (08:10)
Woheń kapa ... (07:43)
Hora zjewjenjow (10:01)
Na puću do dola žadosćow (03:05)
Doł žadosćow (04:56)
Dźělenje (06:48)
Na naměsće (04:29)
Morituri te salutant (10:21)
Mój hrodźik (03:53)
Na dnje (04:02)

CD 3 | 73 min.
Kwas ducha z dušu (12:52)
Žehliwa hwězda (05:18)
Sapaca swěca (05:45)
Wróćo do Łužicy (02:03)
Na serbskej roli (11:30)
Woni čakaja (08:37)
Časy zrawja (05:50)
Hdyž budźe kamjeń rěčeć k wam ... (13:17)
Doklinčenje na Mikławšku (07:51)