„Wulka, hłuboka dźěra, skerje zarěz. Ludźo a ćahi tam deleka kaž hrajki … Hišće po wjacorych lětdźesatkach dopomnju so cyle dokładnje na wone trašace začuće, kotrež mje jako małeho hólčeca při hladanju z kromy jamy wobja.“
Wjace hač 25 lět je so fotografikar Jürgen Maćij z temu brunica zaběrał, wot wudobywanja brunicy potrjechene kónčiny Łužicy fotografował a radikalne přetworjenje cyłeje krajiny přewodźował. Wón je wšědny dźeń a swjedźenje ludźi na kromje jamy, wotbagrowanje wsow, wudobywanje a dalepředźěłanje brunicy kaž tež rekultiwizaciju zwostatych płoninow w jimacych fotach zapopadnył, kotrež so k prěnjemu razej w tak bohatej wšelakorosći wozjewja. Literarne teksty mjez druhim wot Volkera Brauna, Róže Domašcyneje, Jurja Kocha a Kita Lorenca wobrazy přewodźuja.

Ehemalige Dorfstraße, Grötsch, Tagebau Jänschwalde 1997 Něgajšna wejsna droga, Groźišćo, Janšojska jama