Beno Budar słuša do kruha serbskich awtorow, kiž su sej ze swojim wobstajnym pisanjom přez lětdźesatki swěrny kruh čitarjow natwarili. Jeho powědki a basnje buchu w mnohich antologijach a basniskich zběrkach wozjewjene. Zhomadnje z basnjemi, kiž je Měrana Cušcyna wuběrała, nasta cyłk, kotryž wotbłyšćuje literarne tworjenje awtora w lětach mjez 1972 a 2008. Pak z wokřewjacym optimizmom pak z jimacej chutnosću, přeco pak čućiwje a čitarjej blisko rysuje Budar facety žiwjenja. Z tym zamóže wjacore generacije čitarjow – tež za mjezami Łužicy – za swoje tworjenje zajimować. Titulna ilustracija je wot Isy Bryccyneje.