W srjedźišću Serbskeje protyki na lěto 2012 steja Rakecy a wokolne wjeski. Gerat Kral wobswětluje stawizny woneje wsy wosrjedź hole a hatow, Siegfried Schelzig předstaja Nižu Wjes a Pětr Felfa so praša, hač je Trupin woprawdźe idyliski. W bliskich lěsach pak móžemy tohorunja mnoho zajimaweho wobkedźbować. Tak wěnuje so Alenka Hagerowa kćějatym hribam a druhim žadnostkam a Alfons Frencl poda so k wosebitemu křižowanišću wosrjedź lěsa. Tež hewak je serbski knižny kalender zaso pisany a mnohostronski. Brigitte Räßler rozprawja wo serbskim kwasu w Čornym Chołmcu, Arnd Zoba pućuje kołowokoło Błócan a Hilda Kućankowa poskići recepty wokoło kokosa. A štóž so z myslu nosy w zdalenišich kónčinach dowolować, njech čita do toho pokiwy Christiny Donatec w praktiskej rubrice. Zawěsće nadeńdźe kóždy při čitanju něšto powabne.