Barik Babs na kermuši, Cyberlinka, Michał a kóčka Ruši, Dyrdomdejstwa psyčka Trojodypka – štó njemóhł so dopomnić na tu abo tamnu krótku powědku, čitančko, baseń abo hrónčko znateje dźěćaceje awtorki! Za dźěći w prěnjej čitanskej starobje chcemy najrjeńše z nich znowa spřistupnić. Pisany wuběrk krótkich literarnych dźěłow Hańže Bjeńšoweje je zestajała Claudia Winarjowa, a barbne ilustracije je zhotowiła słowakska grafikarka Ol'ga Bajusová.