„Na zelenej łuce rosće štom.“ Takle započina so kóžda stawiznička noweje hornjoserbskeje słuchoknihi. Čłowjek njeby wěrił, što móže so na tajkim štomje, mjez jeho korjenjemi a na łuce pod nim wšo stać! Myška wuknje płuwać, žabka wojuje wo pokal „Spěšna nóžka“ a jěžik nochce a nochce spinkać. Jenož derje, zo je wroblik Frido sčasom lětać nawuknył. Tuž je wšudźe na městnje, hdźež je pomoc trěbna.
Woblubowane stawiznički “Kak je wroblik Frido lětać nawuknył”, “Kak je myška Pip-pip płuwać nawuknyła”, “Kak je žabka Šlapka spěšnje skakać nawuknyła” a “Kak je jěžik Kałačik skónčnje spać nawuknył” z pjera Jěwy-Marje Čornakec su mjeztym rozebrane. Marja Krawcec je je nětko z profesionelnymi dźiwadźelnikami w formje sceniskeho čitanja nahrawała.

Wumolowanske łopjena

Słuchanska proba