Składnostnje wuńdźenja prěnich hornjoserbskich spěwarskich před 300 lětami nětko nowe spěwarske za ewangelskich Serbow předleža. Zhromadnje z čłonami Serbskeho wosadneho zwjazka bě Serbski superintendent Jan Malink w poslednich lětach nowe wudaće přihotował. Mjez 348 kěrlušemi su tež 66, kiž su so nowe přiwzali. Dotal běchu w spěwarskich štučki jenož z tekstom ćišćane. Nětko su so noty přidali. Poslednje wudaće spěwarskich bě w lěće 1955.