Princesna Leoni a princ Leo byštaj sej tak rady hromadźe hrajkałoj. Ale to njeńdźe. Mjez jeju hrodomaj je hłuboke morjo. Móžetaj sej jenož wotdaloka přikiwać. A móžetaj sej listy pisać. Leoni ma ideju: Leo móhł tola k njej přilećeć. A dokelž je princesna wušikna, konstruuje za princa lětawu. Leo njeje mamla. Natwari sej po rysowance křidle a spyta to. Hač pak k Leoni doleći?
Přezcyłnje barbnje ilustrowana kniha hodźi so k předčitanju za dźěći wot 3 lět.

Thomas Binder z Magdeburga dźěła hłownje jako ilustrator, a to za nakładnistwa kaž Klett (Stuttgart, Lipsk), Cornelsen (Berlin) abo Carsen (Mnichow). Po tym zo je za LND někotre title ilustrował, je to nětko prěnje jeho awtorske wudaće, kiž w serbskej rěči předleži.