Do bohaće ilustrowaneho spěwnika je zapřijate 120 znatych a nowych serbskich dźěćacych spěwow ze žiwjenskeho wobłuka předšulskeho dźěsća. Předstajeja so temy z přirody a swójby, nimo toho nałožki a powołanja. Spěwnik so wosebje hodźi za serbšćinu wuknjace dźěći we WITAJ-kubłanišćach. Tomu słužitej mjez druhim wobsahowe zjeće spěwow w němskej rěči kaž tež CD z 38 wubranymi spěwami. Dźěl z nich je so z dźěćimi serbskich a WITAJ-pěstowarnjow a WITAJ-skupinow z Budyšina, Chrósćic, Malešec, Němcow, Pančic-Kukowa, Radworja, Ralbic a Rownoho znowa nahrawał.