Jumne wotrosće w swojoraznym swěće na kupje wosrjedź morja. Starosćo so wo swojeho dźěda ćeknje tajnje na kontinent, zo by jemu nuznje trěbny lěk wobstarała. Tam zeznaje so z cuzym swětom, cyle hinašim, hač běchu jón jej wobydlerjo kupy wopisali. Jumne započina so prašeć, čehodla su jich něhdy z tuteho kraja wuhnali. Wotmołwu na to móže jej Varro dać, kotrehož je w měsće Kyrenja zeznała.
Wumysliła je sej fantastisku stawiznu 18lětna Katrin Beserec z Chrósćic. Wona zaběra so hižo někotre lěta z rysowanjom w japanskim manga-stilu. Tuž je stawiznu w tutym rukopisu wuměłsce wuhotowała. Z tym mamy prěni serbski manga, kotryž je wosebje za dźěći wot 8 lět.