Cyłu sep basni, pěsni a powědkow je ludowy basnik Jurij Šěn zawostajił. K jeho 85. narodninam su wone nětko prěni króć jako kapsna kniha wušli. Teksty wjedu čitarja předewšěm do delanskich kónčin, hdźež doporučuje braška na kwasach přistojnu serbsku holcu, so wo čestnym wjesnym rjemjesle spěwa abo so wo knježkach pradawnych časow rozprawja. Při tym zapopadnje Jurij Šěn přeco dušu, překlepanosć a wjesołosć prosteho serbskeho luda. Chutne wotsćiny jewja so při čitanju dopomnjenkow z Druheje swětoweje wójny, kotruž je awtor jako němski wojak w Norwegskej přetrał. Jako dodatk wozjewi so w zběrce spěw wo Fabrikskej hospodźe prěni raz z notami.