Na rjadowniskim wulěće do Serbskeho muzeja so Filip, Matej a Mira wotsala, zo bychu muzej na swójsku ruku přeslědźili. Nadobo wotewri so kužoł. Ćehnje jich do dalokeho přichoda do časa androidow. Zo bychu so zaso domoj nawróćić móhli, dyrbja klučowe kamuški namakać. Hromadźe z roboterom Istu podadźa so na dyrdomdej. Při tym zeznaja so ze spodźiwnym swětom androidow.
Lubina a Dušan Hajduk-Veljković a Dragan Bosnić su zhromadnje fantastisku stawizničku wuwili, kotraž je zdobom prěni serbski comic. Kniha je za čitarjow wot 8 lět.