Z wobjimom 80.000 hesłow je předležacy słownik prěnja wobšěrna přiručka k hornjoserbskemu słowoskładej přitomnosće, kiž so na němčinu złožuje. Njeje to jenož standardne dźěło k wužiwanju spisowneje rěče, ale tež njeparujomny zakład za sorabistiske leksikaliske přepytowanja a za přirunowace slawistiske słowoslědźenja.
Dawno wupředaty prěni nakład zwjazka 1 A–K je so jako fotomechaniski nowoćišć z nowym předsłowom Helmuta Jenča wudał.