»Próstwa« a »Přeće zaprěća« – dwě basni Jakuba Barta-Ćišinskeho – je w swojim času jeho rowjenk Bjarnat Krawc zhudźbnił. We wobłuku rjada koncertantnych spěwow matej basni w serbskim hudźbnym tworjenju swoje wosebite městno. Přełoženej do dwanaće słowjanskich rěčow a do němčiny stej so z notami a z předsłowom Jana Rawpa po wjac hač 20 lětach znowa wudałoj.
Naročnje wuhotowane wudaće je wušło k 150. narodninam Jakuba Barta-Ćišinskeho a hodźi so wurjadnje jako wosebity dar.