Jako parličku mjez módrymi horami a zelenej nižinu wopisujetaj wudawaćelej wjesku Wotrow. Je to ćicha a zanjesena wjes na kromje Kamjenskich horow. Lěto 2006 wobradźi Wotrowej někotre róčnicy: 900. posmjertny dźeń swj. Bena, 150. narodniny Jakuba Barta-Ćišinskeho a 60 lět wobstaće cyrkwinskeho chóra. Za wudawaćelow bě to přičiny dosć, z tutej knihu chroniku wjeski předpołožić, kiž so wosebje tež młódšim stawiznam wěnuje. Zapřijeli su so nimo toho wjeski Kanecy, Kašecy a Žuricy, kiž su kruty wobstatk Wotrowskeje wosady. Mjeńše přinoški namkaja so tež wo Nowym Městačku a Krěpjecach.