Jedna z najwoblubowanišich dźěćacych knihow Jurja Brězana „Kak je elefant do hribow šoł“ předleži w nowym šaće. Kniha je hornjoserbsce a němsce a prěni króć w přełožku Gerata Nagory tež delnjoserbsce wušła. Kak je so małej železnicy styskało, Bajka wo frunčelu a Kak je elefant do hribow šoł – tak rěkaja wone tři powědki, kotrež je Jurij Brězan něhdy za swojeho syna napisał. Nětko móža so mali čitarjo zaso z elefantom do hribow podać, so hromadźe z małej železnicu na puć k morju nastajić abo sej z pisanym frunčelom do města po nowy šat dojěć.