Składnostnje 150. posmjertnych narodnin Mata Kosyka w juniju 2003 wotmě so w jeho ródnej wsy Wjerbnje prěnja jemu wěnowana wědomostna konferenca. Na njej wobdźěli so dwaceći wědomostnikow z Němskeje, Pólskeje, Wulkeje Britaniskeje, USA a Ukrainy. W předležacym zběrniku »Mato Kosyk 1853–1940« je wudawaćel Roland Marti zapřijał jich přinoški k žiwjenju Mata Kosyka, k literarnemu, kulturnemu, nabožnemu, etniskemu, socialnemu a politiskemu pozadkej jeho tworjenja kaž tež k recepciji jeho lyriki w słowjanskich krajach. Z tym so wědomosć w slědźenju a interpretaciji Kosykoweho tworjenja wo wuznamne wuslědki wobohaća a wažne nowe impulsy do přichoda dóstawa. Wudawaćel Roland Marti (Uniwersita Posaarskeje) je zdobom sobuwudawaćel zhromadźenych spisow Mata Kosyka. Zběrnik je w LND wušoł jako 40. zwjazk Spisow Serbskeho instituta.