Sroka Marta hotuje so na ptači kwas a žadyn šat njezda so jej być rjany dosć. Tak zalěze sej do złoteje křinje a z tym do pazorow Čorneho młynka – a hižo je w Čornej horje. Tam počina zabywać: na myšku Sofiju, na žurka Napoleona a samo na hawrona Walentina ...
A što budźe z ptačim kwasom?
Jěwa-Marja Čornakec je dyrdomdej wo pytanju přećelow za sroku, wo jich zetkanjach z profesorom Uhu a samo wo tym, kak spjacych ryćerjow wubudźa, napisała.
Štóž je jeje knihu »Myška w mróčelach« čitał, zawěsće bórze zwěsći, zo wosoby w nowym powědančku hižo znaje, a móže so ćim wćipniši z nimi podać na puć ...