Tutón prěni frazeologiski słownik hornjoserbskeje rěče wobsahuje wjace hač 3.600 frazeologizmow (rěčnych wobrotow) z tójšto wariantami. W nim zapisany rěčny material pochadźa z 19. a 20. lětstotka.W kóždym hesle wopisuje so woznam frazeologizma w hornjoserbskej, němskej a ruskej rěči. Nimo toho namaka wužiwar informacije wo tym, w kotrych serbskich słownikach abo zběrkach je wotpowědny rěčny wobrot zapisany. Za někak dwě třećinje wobrotow ilustruje so jich wužiwanje z awtentiskimi literarnymi přikładami. Serbskemu frazeologizmej přidawa so po woznamje wotpowědowacy němski a/abo ruski frazeologizm, jeli je so tajki namakał. Registraj na kóncu knihi pytanje za tutymi wotpowědnikami wolóžujetej.
Za rěčnu praksu a za wuwučowanje hornjoserbšćiny je tutón słownik njeparujomna přiručka. Nimo toho skići wón tež wědomostnikam bohaty material za přirunowace slědźenja.