Křesćan Krawc poby w zašłych třoch lětach wjacore razy w krajach bywšeje Juhosłowjanskeje, hdźež zajimowaše so wosebje za wosud wot wójny potrjechenych ludźi. Rozmołwješe so z politikarjemi, wuměłcami, jednorym ludom. Trochu nas zadźiwa a snano tež zatrašuje, hdyž słyšimy wot nich nacionalistiske parole a namołwy k wójnje – jenož hdys a hdys je hłós nadźije a mjezsobneho zrozumjenja słyšeć...