Wódny muž a lutki, hobr Sprjewnik a připołdnica, zmij abo plon – štó njemysli při tym na znate wobrazy Měrćina Nowaka-Njechorńskeho, na powěsće ze wšeje Łužicy? W němskej rěči su so přez lětdźesatki přeco znowa spřistupnili, ale lědma je hišće znate, zo je so prěnjotnje wudał wuběr za dźěći w serbskej rěči. Za dźěći a za wšěch lubowarjow powěsćow a dźěła Měrćina Nowaka-Njechorńskeho kniha nětko zaso předleži.