Znata wulka dźěćaca kniha ze serbskimi, čěskimi, pólskimi a słowakskimi bajkami je wušła před lětdźesatkami w mnohich rěčach, samo dźěći w Kiewje a Ljubljanje su so z njej zabawjeli. Njezaměnliwe ilustracije znateje čěskeje grafikarki Heleny Zmatlíkoveje njejsu swój powabk zhubili.
Tuž předleži nětko wuběrk woneje pod nawjednistwom prof. Pawoła Neda zestajeneje bajkoweje knihi wudaty w zhromadnym dźěle třoch nakładnistwow. Tak móže »Lipka« zaso klinkotać – pola nas serbsce a němsce, w Praze čěsce a w Bratislavje słowaksce.