Smolerjec kniharnja
Hižo w 19. lětstotku měješe Budyšin serbsku kniharnju. W lěće 1851 bě Jan Arnošt Smoler pod Bohatej wěžu swoje knihikupstwo wotewrěł. Pozdźišo prócowaštaj so Jan Bohuwěr Pjech a Smoler wo rozšěrjeny poskitk w Serbsko-słowjanskej kniharni. W 20. lětstotku namaka kniharnja swoje stajne městno w starym Serbskim domje při Lawskich hrjebjach. Hižo tam je so serbski knihikupc Arnošt Simon wo šěrjenje serbskeje literatury starał. Serbsku kniharnju na Drjewowych wikach a pozdźišo hač do kónca 1961 na Kurta Pchalekowej 20 znaja hišće mnozy Serbja. Wot lěta 1991 do 2006 běše Smolerjec kniharnja zaso tam zaměstnjena. Srjedź lěta 2006 je kniharnja nětko swój nowy domicil w delnich rumnosćach nakładnistwa našła. Wona je dźensa jeničke městno w Němskej, hdźež so čitarjej wšitke serbske a němske knihi nakładnistwa poskićuja, k tomu wšelake zynkonošaki a antikwariske wudaća. Prawidłownje přewjedu so awtorske čitanja a knižne premjery. W meji 2000 załoži so towarstwo „Přećelow Smolerjec kniharnje“, kiž podpěruje zaměry kniharnje.
Smolerjec kniharnja
Annett Šołćic
Sukelnska 27 · 02625 Budyšin/Bautzen
tel. (0 35 91) 57 72 88 · fax (0 35 91) 57 72 89
e-mail: buchhandlung domowina-verlag.de
wotewrjenske časy: wot póndźele do pjatka 10.00–18.00 hodź.
