Jednotliwe techniske kroki, kiž wjedu k skazance

Prjedy hač móžeće skazanku wotpósłać, dyrbiće jednotliwe titule, kiž chceće skazać, do skazanskeho korbika połožić. To stanje so přez klik na knefl „do korbika połožić“ na stronje jednotliweho titula.

Krok 1: Korbik přepruwować

Wobsah skazanskeho korbika je hač do wotzamknjenja skazanki njezwjazowacy a hodźi so kóždy čas změnić abo wotstronić. Wón so awtomatisce pokaza, hdyž połožiće titul do korbika. Nimo toho móžeće sej wobsah korbika kóždy čas přez link „korbik pokazać / ke kasy“ w prawej špalće pokazać dać.

W prawej špalće pokazaja so kroki skazanja z wotpowědnym markěrowanjom, hdźe runje sće. Zahajić móžeće skazanje z tym, zo kliknjeće na knefl „dale ke kasy“ pod wobsahom korbika.

Krok 2: Adresu zapodać

Zapisajće Waše wosobinske daty, kiž su za skazanku trěbne, do formulara. Tučne pola dyrbja so wupjelnić. Klikńće nětko na knefl „dale k wašnju płaćenja“.

Krok 3: Wašnje płaćenja wuzwolić

Prošu wuzwolće, kak chceće tworu zapłaćić, a klikńće na knefl „dale k přepruwowanju zapodatych datow“.

Krok 4: Zapodate daty přepruwować

W poslednim kroku před wotzamknjenjom skazanki so Wam wšě zapodate daty hišće raz pokazaja, zo byšće móžne zmylki korigować abo změny podać móhli.

Krok 5: Skazanku wotpósłać

Z klikom na knefl „Skazanku wotpósłać“ so skazanka wotzamknje a nam posrědkuje. Wotpósłanje skazanki je zwjazowace wuprajenje, zo chceće titule, kiž su w skazanskim korbiku, kupić.

Wobkrućenje dóńdźenja skazanki

Bjezposrědnje po wotpósłanju skazanki informujemy Was z e-mail, zo je skazanka dóšła. Wobkrući so awtomatisce, ale njewoznamjenja, zo je so skazanka přiwzała. Zrěčenje so hakle z tym wotzamknje, zo poskitk na zakładźe Wašeje skazanki přiwzamy. To stanje so pak wuraznje z pisomnej zdźělenku abo z připósłanjom twory na Was.

Wotkładowanje, rěčne wersije a powšitkowne wobchodne wuměnjenja

Tekst zrěčenja inkluziwnje Wašeje skazanki so pola nas składuje a so Wam na Waše přeće připósćele. Zrěčenje wotzamknje so w tej rěči, w kotrejž sće skazanku wotpósłał(a). To je – wotwisne wot wuzwoleneje rěčneje wersije – hornjoserbšćina, delnjoserbšćina abo němčina. Powšitkowne wobchodne wuměnjenja (AGB) za skazanje w našim shopje móžeće sej tu wobhladać.