Powšitkowne wobchodne wuměnjenja
§ 1 Wobłuk płaćiwosće
Za wobchodne poćahi mjez Ludowym nakładnistwom Domowina (w sćěhowacym: předawar) a skazarjom (w sćěhowacym: kupc) – tež za wšitke přichodne wobchody – płaća jeničce sćěhowace powšitkowne wobchodne wuměnjenja (AGB) w swojej za čas skazanja płaćiwej wersiji. Powšitkowne wobchodne wuměnjenja płaća jenož napřećo konsumentam. Konsumenća su přirodne wosoby, kotřiž njeskazaja za potrjeby swojeho přemysła abo samostatneho powołanskeho dźěła. Wotchilace wuměnjenja kupca předawar njepřipóznawa, jeli njeje jim wuraznje přihłosował.
§ 2 Wotzamknjenje zrěčenja
Ze skazanku so kupc zawjaza, zo chce tworu kupić. Wo dóńdźenju jeho skazanki so hnydom z mejlku informuje. Nadawk wobkrući so awtomatisce, štož njewoznamjenja, zo je so zrěčenje přiwzało. Kupne zrěčenje wotzamknje so z tym, zo přiwozmje předawar ze skazanku kupca poskićene zrěčenje pak wuraznje z pisomnej zdźělenku pak z připósłanjom twory kupcej. Pola elektroniskich skazankow składuje so zrěčenski tekst ze skazanku pola předawarja. Na přeće kupca jemu předawar zrěčenski tekst připósćele.
§ 3 Wuměnjenje, hdyž twora k dispoziciji njesteji
Předawar wuměni sebi so spjelnjenja skazanki wzdać, hdyž nima skazany titul na składźe abo hdyž je titul wupředaty a skazana twora tohodla k dispoziciji njesteji. W tutym padźe wón kupca hnydom informuje a w datym padźe hižo zapłaćenu sumu bjez komdźenja wróćo płaći.
§ 4 Płaćizny a rozpósłanske kóšty
Płaćizny su kónčne płaćizny w eurach. Wone wobsahuja zakonski wobrotowy dawk. W tukraju připósćele předawar tworu w skazanskej hódnoće wot 40,00 eurow bjezpłatnje. Za posyłki z nišej hódnotu wobliči pawšalnje 2,50 eurow. Dodatne posyłki su darmotne. Posyłki do wukraja wobliči předawar z regularnym póštowym popłatkom. Póštowe a nakładne popłatki su wotwisne wot wahi a njehodźa so do toho wobličić, ale na naprašowanje so powobliča.
§ 5 Dodawanje, płaćenje a komdźenje
Předawar wotpósćele tworu z póštu regularnje w běhu třoch dnjow po dóńdźenju skazanki. Zawjazowace dodawanske terminy dyrbja so pisomnje dojednać. W tutym padźe započina so dodawanski čas z datumom wobkrućenja nadawka. Termin je dodźeržany, hdyž so twora do wotběženja časa wotpósćele. Jeli njeje so ničo druheho dojednało, dodawa předawar tworu na wot kupca podatu adresu.
Předawar akceptuje płaćenje z bankowym wotknihowanjom abo na zličbowanku. Při płaćenju z bankowym wotknihowanjom wotknihuje so suma regularnje tydźeń po zličbowanskim datumje wot podateho konta kupca. Kupc ma zaručić, zo na konće trěbna suma k dispoziciji steji, kóšty za wróćoknihowanje njese wón. Połnomóc za wotknihowanje móže kóždy čas cofnyć.
Płaćić ma kupc bjez wotćahow w běhu 14 dnjow, po tym zo je zličbowanku dóstał. Po tutych 14 dnjach je z płaćenjom w zastatku, bjeztoho zo je dalše napominanje trěbne. W tym padźe je předawar woprawnjeny, wobličić zastatkowu dań, wo 5 % wyšu hač wot Němskeje zwjazkoweje banki postajena zakładna danjowa sadźba.
We wosebitych padach a při dodawanju do wukraja wuměni sebi předawar płaćenje doprědka. Dodawa hakle po dóńdźenju pjenjez. Ewentualne kóšty za přepokazanku do wukraja ma kupc njesć.
§ 6 Rozličenje, wróćodźerženje
Płaćenske žadanje móže so jenož z tajkimi přećiwnymi žadanjemi rozličić, kotrež su prawnisce płaćiwe abo wot předawarja připóznate. Wróćodźerženje je jenož dowolene, hdyž złožuje so přećiwne žadanje na samsny zrěčenski poměr.
§ 7 Změna knižneje płaćizny
Knihi podleža zakonjej wo krutej knižnej płaćiznje. Tohodla dyrbi předawar po skazanju změnjene płaćizny wobličić. Po zwyšenju płaćizny móže kupc wot zrěčenja wróćo stupić. Hižo zapłaćenu sumu jemu předawar wróćo płaći.
§ 8 Prawo cofnjenja
Kupc móže swoje přihłosowanje k zrěčenju w běhu 14 dnjow bjez podaća přičinow cofnyć, a to w tekstowej formje (na př. z listom, faksom abo mejlku) abo – jeli přewostaji so kupcej twora před wotběženjom tuteje doby – z wróćopósłanjom twory.
Doba 14 dnjow započina so po dóstaću tutoho powučenja w tekstowej formje, nic pak do dóńdźenja twory pola kupca (při so wospjetowacym dodawanju jenakich tworow nic do dóńdźenja prěnjeje dźělneje posyłki) a tež nic do spjelnjenja informaciskich winowatosćow přez předawarja po artiklu 246 § 2 w zwisku z § 1 wotr. 1 a 2 EGBGB kaž tež winowatosćow předawarja po § 312 e wotr. 1 s. 1 BGB w zwisku z artiklom 246 § 3 EGBGB. Zo by čas k cofnjenju dodźeržał, dosaha, hdyž kupc cofnjenje abo tworu sčasom wotpósćele na:
Domowina-Verlag
Geschäftsführerin Frau Maria Matschie
Tuchmacherstraße 27
02625 Bautzen
faks: 03591/ 57 72 89
mejlka: buchhandlung domowina-verlag.de
Prawo cofnjenja njewobsteji při dodawanju awdijowych abo widejowych natočenjow (na př. CD, DVD, hudźbne abo widejowe kasety) abo software, jeli je kupc zazyglowane zapakowanje wočinił.
Prawo njewobsteji dale při wotzamknjenju časopisowych abonomentow z hódnotu hač do 200 eurow kaž tež při dodawanju jednotliwych nowinow, časopisow a ilustrowanych časopisow.
Sćěhi cofnjenja
W padźe płaćiweho cofnjenja matej wobě stronje hižo přijimowane wukony a ewentualne wužiwanja (na př. danje) wróćić. Njemóže-li kupc přijimowany wukon cyle abo móže-li jón jenož zdźěla abo w hubjeńšim stawje wróćić, dyrbi wón předawarjej w datym padźe hódnotu narunać. Tole njepłaći, jeli je přičina za pohubjeńšenje jeničce přepruwowanje twory, tak kaž by to kupc we wobchodźe móhł. Powšitkownje móže kupc winowatosć k narunanju hódnoty za pohubjeńšenje twory přez zaměrej wotpowědowace wužiwanje wobeńć, hdyž njewužiwa tworu jako swoje swójstwo a hdyž so wšeho zda, štož jeje hódnotu pomjeńši.
Twory, kotrež hodźa so z pakćikom pósłać, ma kupc na riziko předawarja wróćo pósłać a kóšty za to njesć, jeli wotpowěduje dodawana twora skazanej tworje a płaćizna wróćopósłaneje twory 40 eurow njepřekroči. Při wyšej płaćiznje twory ma kóšty njesć, jeli njeje hač do časa cofnjenja sumu abo w zrěčenju dojednanu dźělnu sumu hišće zapłaćił. W druhich padach je wróćopósłanje za kupca bjezpłatne. Twory, kotrež njehodźa so z pakćikom pósłać, so pola kupca wotewzaja.
Zawjazki k wróćopłaćenju dyrbja so w běhu 30 dnjow spjelnić. Doba 30 dnjow započina so za kupca z wotpósłanjom cofnjenja abo twory, za předawarja z dóstaćom cofnjenja abo twory.
Kónc powučenja wo cofnjenju
§ 9 Swójstwo
Doniž njeje twora dozapłaćena, wostanje wona swójstwo předawarja.
§ 10 Reklamacija
Reklamacije přiwozmje předawar pod horjeka mjenowanej adresu. Jeli ma dodata twora brach, móže sej kupc žadać pak jeho wotstronjenje pak dodawanje bjezporočneje twory. Jeli je wotstronjenje bracha z nadměru wysokimi kóštami zwjazane, wuměni sebi předawar tworu narunać. Njemóže-li předawar brach wotstronić resp. tworu narunać, je kupc woprawnjeny pak wot kupneho zrěčenja wróćo stupić (cofnjenje) pak płaćiznu znižić (potuńšenje). Cofnjenje je wuzamknjene, jeli dźe wo jeno snadne přeńdźenje přećiwo zrěčenju, wosebje wo jeno snadne brachi twory.
§ 11 Škit datow
Předawar wužiwa na wosobu so poćahowace daty kupca jeničce za skazanku, na př. zo by so wo stawje skazanki a/abo dodawanja informował, a za interne kupcowske analyzy. Z wosobinskimi datami dowěrliwje wobchadźa a je třećim dale njedawa. Hlej tež předawarjowe wozjewjenje k škitej datow předawarja.
Kupc wuraznje tomu přihłosuje, zo předawar w zwisku z wobchodnym poćahom dóstate daty zběra, předźěła a wužiwa.
Kupc ma prawo na informaciju wo swojich składowanych datach kaž tež prawo na jich porjedźenje, znjespřistupnjenje a wotstronjenje.
§ 12 Nałožujomne prawo a sudniske městno
Płaći němske prawo, kupne prawo UN je wuzamknjene. Sudniske městno je za firmowe sydło Budyšin přisłušne sudnistwo, dalokož je to po zakonju dopušćene.
§ 13 Kónčne postajenje
Su-li abo stanu-li so jednotliwe postajenja tutych powšitkownych wobchodnych wuměnjenjow njepłaćiwe, njewowliwuje to płaćiwosć tamnych postajenjow. Město njepłaćiwych abo falowacych postajenjow płaća wotpowědne zakonske postajenja.
