Źo namakajom literaturu k starym serbskim groźišćam? Dajo pójadnanja k serbskej stenografiji? Kótare antologije serbskeje literatury su wujšli we wukraju? Za tym až jo Jakub Wjacsławk w lěśe 1929 prědny zwězk Serbskeje bibliografije wudał, pytaju studenty, wědomnostniki, wucabniki, domowniske slěźarje, chronisty a žurnalisty w njej za wótegronami na take pšašanja. Teke za wšykne fachowe a zjawne biblioteki jo Serbska bibliografija njezbytny źěłowy srědk.
Nowy zwězk teje pśirucnice k serbskemu pismojstwu wopśimjejo w mjaztym zwuconem rozrědowanju něźi 8500 titlow a pokazujo wužywarjeju cełu šyrokosć serbskego literarnego twórjenja prědnych lět nowego lěttysaca. Pśidatne registry wólažcyju pytanje za twórbami wěstego awtora abo literatury k jadnotliwym wósobam a městnam.