Połobske Drjewjany Hannoverskego Wendlanda su mógali mimo Łužyskich Serbow nejdlej ze wšych słowjańskich rodow mjazy Baltiskim mórjom a srjejźnymi górami swóju rěc a kulturu zdźaržaś, lěcrownož su sedlili nejdalej na pódwjacor. Za wobydlarjow wokrejsa Lüchow-Dannenberg jo źinsa šesć regionow, mjaz nimi Drawehn a Lemgow, »pšawje wendlandskich«, dokulaž su tam bydlili slědne nosarki teje drastwy. Z njeju jo se chopił awtor južo pśed 50 lětami zaběraś a wuslědki jogo dłujkolětnych slěźenjow namakaju se w toś tej monografiji.