Pśedlažeca wucbnica pódawa pólskim zajmcam zakłady dolnoserbskeje rěcy. K comu pak taka wucbnica? Na to pšašanje awtor w swójom pśedsłowje na pśeznanjecy part wótegronijo: Wjele luźi w cełej Pólskej zajmujo se za Serbow a wobej rěcy stej se tak bliskej, až za pólskich maminorěcnych njejo śěžko serbski nawuknuś. Mimo togo namakaju sebje młode luźe z Pólskeje w pśiběrajucej měrje źěło we Łužycy. Teke w Serbach mógali na wšakorakich pólach statkowaś a tak pomogaś pśi zdźaržanju a skšuśenju wobgrozoneje dolnoserbšćiny. Toś pódawa Alfred Měškank jeje zakłady w pólskej rěcy kompaktnje w 15 lekcijach a k tomu wjele zwucowańskich móžnosćow. Wušej togo jo lekcijam pśidał teksty, kótarež pósrědniju doglěd do wšakorakich wobłukow serbskego žywjenja a cełu kopicu z tym zwisujucych wokablow.