W dawnem lěśe 1975 su slědne popularnowědomnostne knigły wó mjenjach dolnołužyskich městow a jsow wujšli. Toś jo južo dłujko wobstojała wjelika pótrjeba za aktualneju publikaciju, kótarejž jo Lipsčański mjenjowědnik a slawist Walter Wenzel wótpowědował. W zawjeźenju swójich knigłow nacerjujo nejwažnjejše historiske wuwiśa zukow w dolnoserbšćinje a nimšćinje, pśi tom pokazujo na pśenimcenje starych dolnoserbskich mjenjow a wón wopisujo póchad, twórjenje a wóznam dolnoserbskich, nimskich ako teke měšanych mjenjow. Pśidał jo někotare registry a zajmny stawizniski ekskurs wó wobsedlenju Dolneje Łužyce z wěcejbarwnymi kórtami. Tak njejsu to jano knigły za wědomnostnikow, ale tejerownosći za šyroki publikum, kenž se za mjenja w swójej domowni zajmujo.