W lěśe 2002 jo wudał polski slawist Rafał Leszsczyński mały dolnoserbsko-polski słownik, kotaryž jo był za krotki cas wupśedany. Něnto pśedlažy nowe wudaśe. Słownik z wěcej ako 6000 lematami jo myslony pśedewšym za polskorěcnych zajmcow, kenž kśě dolnoserbšćinu nawuknuś. Zrownju pak jo won wužytny za Dolnoserbow k wudospołnjenju polšćiny a ako pśełožowański słownick. Swojeje kompaktneje formy dla dostanjo wužywaŕ how praktisku pśirucnicu, kotaraž wobgranicujo se na nejwažnjejšy słowoskład za wšednu komunikaciju a aktiwne nałožowanje rěcy. Tomu zaměroju słužy teke pśedstajenje někotarych rěcnych wosebnosćow dolnoserbšćiny w zawoźe a konkretne pokazki za wugronjenje pla słowow ze znamješkom ó.