Z pětym, napśeśiwo doněntejšnym lětnikam tšochu rozšyrjonym wudaśim zakońcyjo se rěd pśełožkow z našocasnych cuzorěcnych literaturow. Toś to Wuhladko porucyjo wusko-šyroki wid – wot Rusojskeje pśez Francojsku až do podpołnocneje Ameriki. Wono pśedstajijo tšochu skurilny finski humor a bźezgranicnosć pisanja Bulgarki Emilije Dworjanoweje. W srjejźišću stojtej francojska proza a lyrika. Cesto jo wona skerjej eksperimentalna ako wobglědujuce, detailowe pisanje Alaina Robbe-Grilleta. Basni Jacquesa Roubauda zasej, grajuce ze słowami, stajiju to njewobglědowane, te małučkosći wšednego žywjenja do srjejźišća. W portreśe pśedstajijo se jadna z nejwuznamnjejšych našocasnych ruskich basnikarkow, Bella Achmadulina. Z mjeńšynowych literaturow jo zastupjona rusinska w dolnoserbskem pśełožku.

Přełožowali su mj. dr. Róža Domašcyna, Eero Balk, Měrana Cušcyna a Fabian Kaulfürst.