Toś ta zběrka Bjerowych wubranych źěłow njewopśimjejo jano wšake južo w pjerwjejšnych knigłach wozjawjone wulicowańka, reportaže a tšojeńka. Wudawaŕ jo namakał bejnu tšochu dalšnych pśinoskow Bjera za Casnik, Pratyju, Płomje a dolnoserbske radijo, mimo togo awtobiografiski pśednosk z lěta 1982. Tak nadejźo teke znajaŕ tśeśinu nowych, w knigłach hyšći njewotśišćanych źěłow. Woni dopołniju naš wobraz wo tom dolnoserbskem ludowem wulicowarju ako teke wo žywjenju dolnoserbskich luźi w zachadnem stolěśu.