Powšykne pśekupowańske wuměnjenja
§ 1 Wobcerk płaśiwosći
Za pśekupowański póśěg mjazy Ludowym nakładnistwom Domowina (w slědujucem: pśedawaŕ) a skazarjom (w slědujucem: kupowaŕ) – teke za wšykne pśichodne pśekupowanja – płaśe jano slědujuce powšykne pśekupowańske wuměnjenja (AGB) we wersiji, płaśiwej za cas skazanja. Powšykne pśekupowańske wuměnjenja płaśe jano napśeśiwo konsumentam. Konsumenty su pśirodne wósoby, kenž njekazaju za pótrěbnosći swójogo źěłarstwa daniž samostatnego powołańskego źěła. Wótchylne wuměnjenja kupowarja pśedawaŕ njepśipóznawa, jolic njejo jim wuraznje pśigłosył.
§ 2 Wótzamknjenje dogrona
Ze skazanku kupowaŕ wobwěsćijo, až co wóru kupiś. Informaciju wó dochaźe jogo skazanki dostanjo ned z e-mejlu. Nadawk se wobwěsćijo awtomatiski, což njegroni, až jo se dogrono pśiwzeło. Kupne dogrono se wótzamknjo z tym, až pśiwzejo pśedawaŕ ze skazanku kupowarja pórucone dogrono pak z wuraznym pisnym wuzjawjenim pak z wulibrowanim a dochadom wóry pla dostawarja. Pśi elektroniskich skazankach se dogronowy tekst ze skazanku pla pśedawarja składujo. Na žycenje kupowarja jomu pśedawaŕ dogronowy tekst pśipósćelo.
§ 3 Wuměnjenje, gaž wóra k dispoziciji njestoj
Pśedawaŕ sebje wuměnijo skazanku njewuwjasć, gaž njama skazany titel na skłaźe abo gaž jo titel rozpśedany. W tom paźe kupowarja ned wó tom informěrujo a w danem paźe južo zapłaśonu sumu mimo komuźenja wopłaśijo.
§ 4 Płaśizny a rozpósłańske kosty
Płaśizny su kóńcne płaśizny w euro. Wóni wopśimjeju kazniski wobrotowy dank. W tukraju pśipósćelo pśedawaŕ wóru w skazańskej gódnośe wót 40,00 euro dermo. Za pśipósłanje wóry z nišeju gódnotu woblicyjo pawšalnje 2,50 euro. Dolibrowanja su dermo. Za pśipósłanje wóry do wukraja woblicujo pśedawaŕ regularny postowy płaśonk. Postowe a nakładne płaśonki su wótwisne wót wagi a njedaju se do togo woblicyś, ale na dopšašowanje se pówoblicyju.
§ 5 Librowanje, płaśenje a wokomuźenje
Pśedawaŕ wulibrujo wóru z postom regularnje w běgu tśich dnjow pó dochaźe skazanki. Zawězujuce librowańske terminy muse se pisnje dojadnaś. W tom paźe se zachopijo librowański cas z datumom wobwěsćenja nadawka. Termin jo doźaržany, gaž se wóra do wótběgnjenja casa wótpósćelo. Gaž njejo se nic drugego dojadnało, librujo pśedawaŕ na adresu, kótaruž jo kupowaŕ pódał.
Pśedawaŕ akceptěrujo zapłaśenje z wótśěgnjeńku abo na zliceńku. Pśi wótśěgnjeńce wótpišo se suma regularnje tyźeń pó zliceńskem datumje wót pódanego konta kupowarja. Kupowaŕ ma se za to staraś, až jo na konśe dosć pjenjez, kosty za slědkwótśěgnjeńku du na jogo tuń. Połnu móc za wótpisanje móžo kuždy cas za nicotnu wuzjawiś.
Płaśiś ma kupowaŕ mimo wótśěgnjenjow w běgu 14 dnjow pó dostaśu zliceńki. Pótom se zachopijo wokomuźenje, bźez togo až jo dalšne napominanje trěbne. W tom paźe ma pśedawaŕ pšawo, woblicyś wokomuźeńsku dań, wó 5 % wušu ako wót Nimskeje zwězkoweje banki póstajona zakładna dańska sajźba.
We wósebnych padach a pśi librowanjach do wukraja wuměnijo sebje pśedawaŕ płaśenje doprědka. Librujo akle pó dochaźe pjenjez. Ewentuelne kosty za pśepokazanje do wukraja ma kupowaŕ njasć.
§ 6 Rozlicenje, wobchowanje
Płaśeńske pominanje móžo se jano z takimi pśeśiwnymi pominanjami rozlicyś, kenž su pó pšawje płaśiwe abo wót pśedawarja pśipóznate. Wobchowanje jo jano pśiwdane, gaž póchada pśeśiwne pominanje ze samskego dogrona.
§ 7 Změna płaśizny pla knigłow
Knigły pódlaže kazni wó kšutej płaśiznje knigłow. Togodla musy pśedawaŕ teke woblicyś płaśiznu, kenž jo se pó skazanju změniła. Pśi wušej płaśiznje móžo kupowaŕ wót dogrona wótstupiś, w danem paźe pśedawaŕ jomu južo zapłaśonu sumu wopłaśijo.
§ 8 Pšawo anulěrowanja
Kupowaŕ móžo dogrono w běgu 14 dnjow mimo pódaśa pśicynow za nicotne wuzjawiś, a to w tekstowej formje (na pś. z listom, faksom abo e-mejlu) abo – jolic pśewóstajijo se kupowarjeju wóra pśed wótběgnjenim togo casa – ze slědkpósłanim wóry.
Cas se zachopijo pó dostaśu togo pówucenja w tekstowej formje, nic pak do dochada wóry pla kupowarja (pśi se wóspjetujucem dodawanju jadnakich wórow nic do dochada prědneje źělneje librowanki) a teke nic do społnjenja informaciskich winowatosćow pśez pśedawarja pó artiklu 246 § 2 w zwisku z § 1 wótst. 1 a 2 EGBGB ako teke winowatosćow pśedawarja pó § 312 e wótst. 1 sada 1 BGB w zwisku z artiklom 246 § 3 EGBGB. Aby se cas k anulěrowanju doźaržał, dosega zawcasne wótpósłanje anulěrowanja abo wóry na:
Domowina-Verlag
Geschäftsführerin Frau Maria Matschie
Tuchmacherstraße 27
02625 Bautzen
faks: 03591/ 57 72 89
e-mail: buchhandlung domowina-verlag.de
Pšawo na anulěrowanje njewobstoj pśi librowanjach audiowych abo widejowych nagrawanjow (na pś. CD, DVD, muzikowe abo widejowe kasety) abo software, gaž jo kupowaŕ zazyglowane zapakowanje wótcynił.
Pšawo teke njewobstoj pśi wótzamknjenju casopisowych abonementow z gódnotu až do 200 euro ako teke pśi librowanju jadnotliwych casnikow, casopisow a ilustrěrowanych casopisow.
Konsekwence anulěrowanja
Jolic anulěrowanje płaśi, matej wobej boka južo dostate wóry, pjenjeze a ewentualne wužywanja (na pś. dani) wrośiś. Gaž njamóžo kupowaŕ wót pśedawarja dostatu wóru cełu wrośiś abo gaž móžo to jano źělnje abo w špatnjejšem stawje, jo winowaty pśedawarjeju gódnotu pó trěbnosći zarownaś. To njemusy, gaž jo pśicyna za špatnjejšy staw wóry jano jeje kontrolěrowanje, tak ako by to w knigłarni mógł. Gaž jo pśicyna za špatnjejšy staw wóry jeje wužywanje wótpowědnje zaměroju, móžo se kupowaŕ teje winowatosći wobinuś, gaž njewužywa wóru ako swójo swójstwo a gaž wšykno wóstajijo, což jeje gódnotu pómjeńšyjo.
Wóry, kenž daju se w pakeśe słaś, ma kupowaŕ na tuń pśedawarja slědk pósłaś a kosty za to njasć, gaž librowana wóra skazanej wórje wótpowědujo a płaśizna slědk słaneje wóry 40 euro njepśestupijo. Pśi wušej płaśiznje ma kosty njasć, gaž njejo sumu abo w dogronje dojadnanu ratu až do anulěrowanja hyšći zapłaśił. Howac jo slědkpósłanje za kupowarja dermo. Wóry, kenž njedaju se w pakeśe słaś, se pla kupowarja wótewzeju.
Zawězki k wopłaśenju muse se w běgu 30 dnjow społniś. Cas se zachopijo za kupowarja z wótpósłanim anulěrowańskego wuzjawjenja abo wóry, za pśedawarja z dostaśim wuzjawjenja abo wóry.
Kóńc pówucenja wó anulěrowanju
§ 9 Swójstwo
Pjerwjej až njejo wóra dozapłaśona, wóstanjo wóna swójstwo pśedawarja.
§ 10 Reklamacija
Reklamacije pśiwzejo pśedawaŕ pód górjejce pódanej adresu. Jolic ma librowana wóra brach, móžo kupowaŕ pominaś pak jogo wótpóranje pak librowanje wóry bźez bracha. Gaž jo wótpóranje bracha z nadměrnje wusokimi kostami zwězane, wuměnijo sebje pśedawaŕ wóru narownaś. Jolic njeraźijo se pśedawarjeju brach wótpóraś resp. wóru narownaś, ma kupowaŕ pšawo, pak wót kupnego dogrona wótstupiś (anulěrowanje) pak płaśiznu znižyś (pótuńšenje). Anulěrowanje jo wuzamknjone, jolic źo wó jano snadne pśejźenje pśeśiwo dogronoju, pśedewšym wó jano snadne brachy wóry.
§ 11 Šćit datow
Pśedawaŕ wužywa na wósobu se póśěgujuce daty kupowarja jano za skazanku, na pś. aby se wó stawje skazanki a/abo librowanja informěrował, a za interne analyze kupowarjow. Z wósobinskimi datami wobchada dowěrliwje a njedawa je tśeśim dalej. Cytajśo teke pśedawarjowe wuzjawjenje k šćitoju datow.
Kupowaŕ wuraznje tomu pśigłosujo, až pśedawaŕ w zwisku z pśekupowańskim póśěgom dostate daty zběra, pśeźěłujo a wužywa.
Kupowaŕ ma pšawo na informaciju wó datach, składowanych k jogo wósobje, a pšawo na jich pópšawjenje, znjepśistupnjenje a wulašowanje.
§ 12 Nałožujobne pšawo a sudne městno
Płaśi nimske pšawo pód wuzamknjenim kupnego pšawa UN. Sudne městno jo za firmowe sedło Budyšyn pśisłušne sudnistwo, dalokož to kazni dowóliju.
§ 13 Kóńcne póstajenje
Jolic njepłaśe abo jolic njebudu płaśiś jadnotliwe póstajenja tych powšyknych pśekupowańskich wuměnjenjow, njewobwliwujo to płaśiwosć drugich póstajenjow. Město njepłaśiwych abo felujucych póstajenjow płaśe wótpowědne kazniske wustawjenja.
