»Pód kšywom nakósnym/Im Land Egal« – nowa zběrka dolnoserbskeje proze
Co drje se chowa »Pód kšywom nakósnym« a »Im Land Egal«? Nic wěcej a nic mjenjej ako wulicowańka jadnasćo awtorkow a awtorow z tśich generacijow, kenž narskosć wubuźiju. Wudawarka Ingrid Hustetowa jo antologiju ze źaseś tekstami w dolnoserbskej a wósym w nimskej rěcy zestajiła, kenž pódawaju doglěd do myslow a zacuśow luźi, ako su žywe w modernem swěśe a weto se běźe ze starodawnymi zjawami.
Co pótakem wjeźo młodego Barlinskego komisara do Błotow? Kak móžo z bajkojtego familijowego dowola mórawa wordowaś? Maju łužyske wjelki z tym cyniś? Na te a dalšne pšašanja wótegroniju Steffen Butzeck, Tobias Geis, Ingrid Hustetowa, Vladimír Jamárik-Złoch, Christin Klugojc, Marcus Kóńcaŕ, Lenka, Beata Mičerlichowa, Hync Rychtaŕ, Dorothea Šołćina a Oda Wićazowa. Dalšne informacije
Pśebasnjenja Měta Pernaka w rěźe »Serbska poezija« wujšli
Na wobalce mólba Parisa, na nutśikownych bokach kšasne pśebasnjenja Měta Pernaka z francojskeje a ruskeje rěcy – tak prezentěrujo se cytarjeju nejnowšy zešywk Serbskeje poezije, kenž jo Kito Lorenc wudał a zestajał a za kótaryž jo dr. Fryco Libo gódnośecy tekst napisał. Dalšne informacije
»Serbska pratyja 2012« wujšła
Lětosa južo w póznem lěśu jo nowa Serbska pratyja wujšła. Jeje redaktory Horst Adam, Adelheid Dawmowa a Bernd Melcher su zestajili něźi 60 pśinoskow wót 45 awtorow, tak až mógu se cytarje na zajmnu a wótměnjatu lekturu wjaseliś. W srjejźišću Pratyje stoj tenraz wjas Móst. A tež lětosa pórucyjo LND wšyknym swójim cytarjam wósebny serwis: Mimo normalneje pśedani dajo se »Serbska pratyja« aboněrowaś, teke ako darny abo. Chtož ma zajm, daś wobrośijo se na Ludowe nakładnistwo Domowina (tel. 0 35 91/57 72 64, faks 0 35 91/57 72 07) abo na sobuźěłaśerja w Dolnej Łužycy (handy 0172/7903267). Dalšne informacije
